ព័ត៌មាន TI Cambodia

បក្សពួក និងសាច់ញាតិនិយមក្នុងវិស័យការងារ ធ្វើឱ្យបាត់បង់ឱកាសស្មើគ្នានៅកន្លែងការងារ។ ដល់ពេល ដែលយើងត្រូវរួមគ្នា ដើម្បីលើកកម្ពស់តម្លាភាព និងការទទួលខុសត្រូវក្នុងវិស័យការងារ។ ប្រសិនបើអ្នកចង់ដឹងព័ត៌មានបន្ថែមអំពីអំពើពុករលួយក្នុងវិស័យការងារ សូមអានបន្ថែមនៅទីនេះ៖ https://shkd.us/jpPsqunW

យើងមានសេចក្តីសោមនស្សរីករាយយ៉ាងខ្លាំងក្នុងការស្វាគមន៍លោកស្រី ស៊ិន ពុទ្ធារី ចូលរួមជាមួយ អង្គការតម្លាភាពកម្ពុជា (TI Cambodia) ក្នុងតួនាទីជា នាយិកាប្រតិបត្តិ ។ លោកស្រី ស៊ិន ពុទ្ធារី មានបទពិសោធន៍ដឹកនាំជាច្រើនក្នុងវិស័យសង្គមស៊ីវិលនៅកម្ពុជា ដោយមានជំនាញក្នុងការដឹកនាំ ការតស៊ូមតិ ការចូលរួមរបស់ភាគីពាក់ព័ន្ធ និងការអភិវឌ្ឍស្ថាប័ន។ នៅក្នុងតួនាទីជានាយិកាប្រតិបត្តិ លោកស្រីនឹងដឹកនាំគោលដៅយុទ្ធសាស្ត្ររួមរបស់អង្គការតម្លាភាពកម្ពុជា ពង្រឹងការគ្រប់គ្រងស្ថាប័ន ជំរុញភាពជាដៃគូ... Read More

សេចក្តីថ្លែងការណ៍រួម អង្គការ​សង្គមស៊ីវិលកម្ពុជា​សូម​ស្នើអោយរាជរដ្ឋាភិបាល  និងស្ថាប័នសភាជាតិអនុម័តច្បាប់សិទ្ធិទទួលព័ត៌មាន​ឱ្យបាន​​​ឆាប់ស្របតាមបទដ្ឋាន​អន្តរជាតិ និងធានាបាន​នូវ​សិទ្ធិ​សេរីភាពក្នុងការទទួល ​ព័ត៌មានក្នុងយុគសម័យឌីជីថលដើម្បីលើកកម្ពស់សេវាសាធារណៈ និងដំណោះស្រាយ​បញ្ហា​ប្រឈម​នានា​លើ​គ្រប់ វិស័យ ជាពិសេសិទ្ធិទទួលព័ត៌មានបរិស្ថាន និងការគ្រប់គ្រងហិរញ្ញវត្ថុសាធារណៈ។ បន្ទាប់ពីអស់រយៈពេល​ជាង​មួយ​ទសវត្សរ៍ ​ដែល​សេចក្តីព្រាង​ច្បាប់​​ដ៏សំខាន់​នេះបាន​ចាប់​ផ្តើម​​តាក់តែង​ឡើង ប្រជាជនកម្ពុជានៅតែមានកង្វល់អំពីសិទ្ធិ​របស់​​ខ្លួន​ក្នុងការទទួល ព័ត៌មាន​សាធារណៈ​នៅ​ឡើយ ​ដោយសារតែ​ អជ្ញាធរ​ទាំង​​​ថា្នក់ជាតិ និងថ្នាក់ក្រោមជាតិ ហាក់​នៅមានភាពស្ទាក់ស្ទើរក្នុងការបើកចំហ ឬ​ផ្សព្វ​ផ្សាយ​ព័ត៌មាន​មួយចំនួន ព្រម​ទាំង​កង្វះ​ធនធាន និងសមត្ថភាព​មានកម្រិត បើទោះបីជា​គោលការណ៍​អន្តរជាតិ និងជាតិអំពាវនាវឱ្យរដ្ឋបាល... Read More

អង្គការតម្លាភាពកម្ពុជា និងអង្គការសង្គមស៊ីវិលសូមស្វាគមន៍ចំពោះកិច្ចព្រមព្រៀងបទឈប់បាញ់រវាងកម្ពុជានិងថៃនាពេលថ្មីៗនេះ ដើម្បីកាត់បន្ថយអរិភាពនៅតាមព្រំដែន។ ទោះជាយ៉ាងនេះក្តី យើងមានការព្រួយបារម្ភអំពីស្ថានភាពយោធិនខ្មែរចំនួន១៨នាក់ ដែលត្រូវបានចាប់ខ្លួនដោយយោធាថៃ បន្ទាប់ពីបទឈប់បាញ់ត្រូវបានប្រកាស។ យើងទាមទារឱ្យប្រទេសថៃ ដោះលែងយោធិនទាំងនេះជាបន្ទាន់ និងដោយគ្មានលក្ខខណ្ឌ ដោយសារមានព្រួយបារម្ភអំពីសុខុមាលភាពផ្លូវកាយ និងផ្លូវចិត្តរបស់ពួកគេដោយផ្អែកលើស្ថានភាពទាហានពីរនាក់ដែលត្រូវបានដោះលែងពីមុន។

យើងខ្ញុំ សូមជូនដំណឹងដល់សាធារណជន និងភាគីពាក់ព័ន្ធឲ្យបានជ្រាបថា ការិយាល័យកណ្តាលរបស់យើងបានផ្លាស់ប្តូរមកអាសយដ្ឋានថ្មី អាសយដ្ឋាន ផ្ទះលេខ ៩៣៣ ផ្លូវលេខ ៣១ B ភូមិ ស្លែងរលើង សង្កាត់ អូរបែកក្អម ក្ខណ្ឌ សែន សុខ រាជធានី ភ្នំពេញ។ តំណ៖ https://maps.app.goo.gl/mSn6bC9d3fWGtZ4K6