អង្គការតម្លាភាពកម្ពុជា និងខេមបូចា នឹងសហការរៀបចំវគ្គបណ្តុះបណ្តាលស្តីពី “ការរាយការណ៍ព័ត៌មានបែបស៊ើបអង្កេតផ្នែកហិរញ្ញវត្ថុ” ដែលនឹងធ្វើតាមរយៈអនឡាញ រួមទាំងមានការអនុវត្តផ្ទាល់មួយចំនួនជាមួយគ្រូបង្គោលតាមរយៈវិធីសាស្ត្របង្វឹកជាក់ស្ដែង​ ដើម្បីបង្កើនសមត្ថភាពអ្នកសារព័ត៌មានកម្ពុជាក្នុងការរាយការណ៍ព័ត៌មានបែបស៊ីជម្រៅ និងចំណេះដឹងពីការស្វែងរកព័ត៌មានផ្នែកហិរញ្ញាវត្ថុ ដែលផ្អែកលើភស្តុតាង និងប្រភពដែលជាក់លាក់។ វគ្គបណ្តុះបណ្តាលនេះត្រូវបានរៀបចំឡើង ក្រោមកិច្ចសហការរវាង ខេមបូចា និងអង្គការតម្លាភាពកម្ពុជា ក្រោមគម្រោងហរិញ្ញវត្ថុយុត្តិធម៌កម្ពុជា សហការឧបត្ថម្ភដោយអង្គការអុកស្វាម និងអង្គការ-ជំនួយរបស់វិហារដាណឺម៉ាក (DCA)។ អំពីគ្រូបណ្តុះបណ្តាល៖ គ្រូបង្គោលនៃវគ្គនេះ គឺមកពីមជ្ឈមណ្ឌលសារព័ត៌មានបែបស៊ើបអង្កេត ដែលហៅកាត់ថា CIJ (Center for Investigative Journalism) ដែលជាស្ថាប័នអន្តរជាតិមួយ មានស្នាក់ការនៅទីក្រុងឡុងដ៏នៃចក្រភពអង់គ្លេស។ ស្ថាប័ននេះបានផ្តល់វគ្គបណ្តុះបណ្តាលជំនាញដល់អ្នកសារព័ត៌មាន អ្នកស្រាវជ្រាវនៃអង្គការសង្គមស៊ីវិល និងក្រុមអ្នកតស៊ូមតិ តាំងពីឆ្នាំ២០០៣ មកម្ល៉េះ។ វគ្គបណ្តុះបណ្តាលនឹងដឹកនាំដោយអ្នកសារព័ត៌មានអាជីព និងជាអ្នកជំនាញដែលមានបទពិសោធន៍ច្រើនឆ្នាំ ដោយប្រើប្រាស់វិធីសាស្ត្របង្រៀនផ្អែកលើករណីសិក្សាជាក់ស្តែងដែលអាចជួយឱ្យសិក្ខាកាមយកទៅអនុវត្តក្នុងការងារវិជ្ជាជីវៈប្រចាំថ្ងៃឱ្យកាន់តែមានប្រសិទ្ធភាព។ សម្រាប់ព័ត៌មានបន្ថែមសូមចុះតំណភ្ជាប់នេះ https://forms.office.com/r/qeJAD6kVWk ឬស្កេន QR Code ខាងក្រោមនេះ។ ផុតកំណត់ទទួលពាក្យ៖ ថ្ងៃទី ៤ ខែកក្កដា ឆ្នាំ២០២១ បញ្ជាក់៖ ស្ត្រី និងអ្នកសារព័ត៌មានតាមខេត្តត្រូវបានលើកទឹកចិត្តឱ្យចូលរួម។ វគ្គនេះនឹងមានអ្នកបកប្រែជាភាសាខ្មែរ។ ————————————————————— Financial Investigation... Read More